வெள்ளி, ஏப்ரல் 20, 2018

அவள் நடந்து போனாளே...


அவள் நடந்து போனாளே
என்னை கடந்து போனாளே
நான் பார்க்கும் போது
அவள் பார்க்காமல் போனாளே

அவள் எனக்கா பகையானாள்
நான் அவளாள் புகையானேன்
அவள் அவனுக்கு தாரமானாள்
நான் எனக்கே பாரமானேன்

தேரோடும் வீதிக்கு நான்
அவளை தேடி போனேனே
எனை தேவையில்லை என்றாளே
நான் தேம்பி தேம்பி அழுதேனே

இந்த வீட்டுக்கு விளக்கில்லை
காரணம் அவள் இல்லை என்
வாழ்க்கை விளங்கவில்லை
இனி ஏதும் விளக்கமில்லை

அவள் நடந்து போனாளே
என்னை கடந்து போனாளே
நான் பார்க்கும் போது
அவள் பார்க்காமல் போனாளே


இதோ பாடலின் யூட்டியூப் இணைப்பு

செவ்வாய், ஏப்ரல் 17, 2018

கொன்றால் பாவம் தின்றால் போகுமா ?


பலரும் நான் சைவம் அசைவம் சாப்பிட மாட்டேன் என்பதை பெருமைப்பட பேசுவதோடு அசைவம் சாப்பிடுபவர்களை ஏதோ இரக்கமற்றவன் என்பது போல் நினைக்கின்றார்கள் இறைவன் படைப்பில் ஒன்றை ஒன்று உண்டு வாழவேண்டும் என்பதே நியதி யார் ? உயிரினங்களை உண்ணவில்லை சைவம் சாப்பிடுபவர்கள் செடி கொடிகளை உண்ணவில்லையா ? அதில் உயிர் இருப்பதால்தானே வளர்கிறது உதாரணம் கடலில் உள்ள மீன், நண்டு மற்றும் மற்ற உயிரினங்களை நாம் சாப்பிடக்கூடாது என்று வைத்துக் கொள்வோம் என்னாகும் ? கடலில் உயிரினங்கள் பெருகி பெருகி இடப்பற்றாக்குறை காரணமாக கடலின் நீர் எங்கு வரும் வெளியேதானே அதாவது நாம் வாழும் பூமிக்கு வரும் இல்லையா ? பிறகு நாம் எங்கு போவது கடலுக்கா ? இறைவன் இப்படியெல்லாம் வரக்கூடாது என்பதற்காகத்தான் அன்றே ஏதோ ஒரு மனிதனை அதைப்பிடித்து சுட்டுத்திண்ணும் யோசனையை கொடுத்து இருக்கிறான் அதைப் படித்துக் கொண்ட நாமும் அவ்வழியே வாழ்ந்து கொண்டு போகிறோம் அதைப்போல ஆடு மாடுகளை மனிதன் உண்ணவில்லை என்றால் ? பூமியில் மனிதர்கள் நடக்க இடம் கிடைக்காது அதைவிட முக்கியம் அவைகளுக்கு உணவு ? ? ? மனிதன் தனக்கு நாளை உணவு வேண்டுமே என்ற சிந்தையில்லாமல் விவசாய நிலங்களை விற்று மாளிகைகள் கட்டிக்கொண்டு இருக்கும்போது கால்நடைகளைப்பற்றி நினைப்பானா ? சைனா நாட்டுக்காரன் எல்லாவற்றையும் சாப்பிடுகிறான் என்று கேவலமாக பேசுகிறோம் இதன் பின்னணி என்ன ?

உதாரணம் எங்களது வீட்டில் இதுவரை மாட்டுக்கறி சமைத்ததில்லை அதன் காரணமாக நானும் உண்ணவில்லை ஒருவேளை எனது வீட்டில் ஆரம்பத்திலிருந்தே அதை சமைத்துக் கொடுத்து பழக்கியிருந்தால் நானும் அதை உண்பதை பெரிதாக நினைக்காமல் உண்டு கொண்டுதான் இருப்பேன் இதுதான் சூழல் சைனாக்காரன் அனைத்தையும் தின்று பழக்கி கொடுத்தான் அவனது சந்ததியினரும் அதைத் தொடர்கிறார்கள் மேலும் ஒரு உதாரணம் நமது குழந்தையை கைக்குழந்தையாக இருக்கும்போது ஏதோவொரு சைனாக்காரனுக்கு தாரை வார்த்து கொடுத்து விடுகிறோம் என்று வைத்துக் கொள்வோம் அந்தக்குழந்தை அங்கு எப்படி வாழும் தேவகோட்டை குழந்தைபோல் வாழுமா ? இதுதான் சூழல் //பாம்பு திங்கிற ஊருக்குப் போனால் நடுத்துண்டு எனக்கு வேணும்// இந்தப் பழமொழியை சொல்லித் தந்தது யாரு ? தமிழனா ? சைனாக்காரனா ? இந்தியாவில் இன்றும்கூட மனிதனின் சுட்ட சடலங்களை திங்கின்றானே மனிதன் இது அருவருப்பு இல்லையா ? சைனாக்காரன் கரப்பான் பூச்சியை தின்பதை தவறாக சொல்கிறோம் நாம் கணவாய் சாப்பிடுவதில்லையா ? நண்டு சாப்பிடுவதில்லையா ? இது அருவருப்பு இல்லையா ? நமக்கு சாதகமானால் மட்டும் சரியானதா ? அவன் புழுவைத் தின்பதை சொல்கிறோம் நாம் திங்கவில்லையா ? ஆம் மீனை பிடிப்பதற்கு புழுவை உணவாக கொடுத்து மீனைப்பிடித்து அதனோடு புழுவையும் சேர்த்துதானே தின்கிறோம் உணவு வகைகள் மட்டுமல்ல வாழ்க்கை முறையும் இடத்தை பொருத்தே அமைகிறது. அசைவம் சாப்பிடாமல் வாழ்ந்த சிலர் மிகவும் புத்திசாலிகளாகத்தான் இருந்திருக்கின்றார்கள் அதேநேரம் அசைவம் சாப்பிட்டவர்கள் கத்தியையும், அருவாளையும் எடுத்துக்கொண்டு குத்திக்கொண்டு வாழந்தவர்களும் இருக்கிறார்கள் என்பதையும் நாம் நினைத்துப் பார்க்க வேண்டியது உண்மைதானே...


நண்டு எனக்கு மிகவும் பிடித்த உணவு சிறுவயதில் பள்ளி விடுமுறையில் பாம்பன் சின்னம்மா வீட்டுக்கு போய் விடுவேன் எனது சின்னம்மா எனக்காக பெரிய தூக்குச்சட்டி நிறைய நண்டு பொரித்து தருவார்கள் அதை எடுத்துக் கொண்டு பாம்பன் ரயில் பாலத்துக்கு போவேன் அதன் மத்திய பகுதிக்கு வந்து கூடுபோல் இருக்கும் தலைக்கு மேலே ரயில் போய்க் கொண்டு இருக்கும் அதில் உட்கார்ந்து தின்பேன். எவ்வளவு நேரம் தெரியுமா ? குறைந்த பட்சம் மூன்று மணி நேரம் அப்படியானால் எவ்வளவு நண்டு நீங்களே கணித்துக் கொள்ளுங்கள் அது ஒரு நிலாக்காலம் தோணியில் போயி பிடித்து வருபவர்களிடம்தான் சின்னம்மா வாங்குவார்கள் ஐஸ் அந்த வேளையே கிடையாது இவ்வளவு நண்டுக்கு பணம் எவ்வளவு கொடுப்பார்கள் தெரியுமா ? கூடுதல் போனால் ஐந்து ரூபாய் இன்று அந்த நண்டுகளின் விலை ? நினைத்துப் பார்த்தால் தண்டுவடம் சிலிர்க்கிறது.


சிவாதாமஸ்அலி-
இப்ப என்னதான்யா  சொல்றே... இன்னைக்கு வீட்ல பொண்டாட்டி நாட்டுக் கோழியடிச்சு குழம்பு வச்சு இருக்கா திங்கவா வேண்டாமா ?

Chivas Regal சிவசம்போ-
அட ஏய்யா நீ வேறே... கொன்றால் பாவம் தின்றால் போச்சு இஷ்டம் இல்லைனா கஷ்டப்படாதே தூக்குச் சட்டியில அள்ளிப் போட்டு நம்மள்ட்ட கொண்டு வா.

 காணொளி

சனி, ஏப்ரல் 14, 2018

மா(ற்)றவேண்டும்


நட்பூக்களே.... மேலேயுள்ள புகைப்படத்தையும், அந்த வார்த்தைகளையும் படித்தீர்களா ? இதனால் நமக்கு பெருமையா ? சிறுமையா ? நாட்டில் அறியாமைவாதிகள் நிறைந்திருக்கின்றார்கள் என்பது புரிகின்றதா ? இந்த நிலையை உருவாக்கிய அந்த ஜடங்கள் நம் நாட்டிற்கு தேவைதானா ? அவன் எமது குடும்ப அங்கத்தினராயினும் அவசியமில்லை என்பதே எமது கருத்து இந்த ராணுவ வீரர்களுக்கு போகின்றதே சம்பளம் யாருடைய பணம் எங்கிருந்து போகிறது இவரென்ன நாட்டுக்கு உழைத்து ஓய்ந்த தியாகியா ? தனது குடும்பத்துக்காக எல்லோரையும் போல விளையாண்டு உழைத்து அதன் மூலம் விளம்பரங்களில் நடித்து கோடி கோடியாக சம்பாரித்து இருக்கிறார். யாரோ ஒரு அத்தக் கூலிக்காரன் மலைகளில் பைக் ஓட்ட, அதை பக்கத்தில் காண்பிக்கும்போது இவர்தான் ஓட்டியதுபோல் காண்பிக்க இன்னும் எத்தனை காலம்தான் ஏமாற்றுவார்களோ ? என்று நான் கேட்கமாட்டேன் இன்னும் எத்தனை காலம்தான் ஏமாறுவது ? என்பதே கேள்வி. நச்சுத்தன்மை நிறைந்தது என்று உலகறியப்பட்ட குளிர்பானத்தை குடிப்பதுபோல் நடித்து காண்பித்து அதன் மூலம் கோடிகள் சம்பாரித்தவர் இது தியாகச் செயலா ? இவர் மட்டுமல்ல நிறைய பேர் உண்டு.


இப்படிப் பட்டவர்களுக்கு இந்த சமூகம் உயிரைக் கொடுக்க நினைப்பது ஏன் ? மதுரையின் ஒரு தெருவுக்கு இவரது பெயர் இவன் பிறந்த மாநிலத்தில்கூட இப்படி பெயர் வைக்கவில்லையே... தமிழ்நாட்டான் மட்டும்தான் ஏமாளியோ இந்த விட்டில் பூச்சிகள் நாட்டிற்கு அவசியமே இல்லை இதே வேலையின் பயிற்சியை நமக்கும் கொடுத்து அதில் நாம் முயற்சி எடுத்தால் நம்மாலும் விளையாட முடியும் இதில் உயிரைக் கொடுக்க கூடிய கஷ்டங்கள் இல்லை ஆனால் மேலே நிற்கிறார்களே ராணுவ வீரர்கள் அவர்களைப்போல் எல்லோராலும் வரமுடியாது எந்த நொடியும் நாட்டுக்காக உயிர் துறக்க தயாராக இருக்கும் மாமனிதர்கள் இவர்கள் இத்தனை செய்தும் நிறைய சம்பளம் பெற முடியவில்லையே ஏன் ?  நல்ல உணவுகூட கிடைக்கவில்லையே ஏன் ? உண்மையில் இவர்கள்தான் நிஜ நாயகர்கள். எந்தவொரு அரசியல் தாலைவனோ, திரைப்பட நடிகனோ, கிரிக்கெட் வீரனோ, இதற்கு தயாராக முடியாது ஆனால் யாருக்கு மரியாதை கொடுக்க வேண்டுமோ, அந்த நிஜத்தை மறந்து நிழலுக்கு மரியாதை கொடுக்கின்றானே தமிழக பாமரன். விளையாட்டில் வெற்றி தோல்வி இயல்பு வெற்றி பெற்றால் கோயில் கட்டுவதும், தோல்வியடைந்தால் கொடும்பாவி எரிப்பதும் தமிழகத்தில் மட்டுமே நடக்கிறது அதை பொழுது போக்காக நினைக்க மறுக்கிறான் மனிதன் ஏன் ? இப்படிப் போன்றவர்களால் நாடு முன்னேறுமா ? இல்லை பின்னேருமா ? இதை தடுக்க கடுமையான சட்டங்கள் இயற்றப்படவேண்டும் ஆனால் நம் நாட்டு அரசியல்வாதிகள் செய்ய மாட்டார்கள் காரணம் இவர்களைப் போன்ற அறியாமைவாதிகளால்தான் அவர்களின் நிரந்தர உயர்வுக்கு பயன் அளிக்கும்.

மாறவேண்டும் நாம் மாறவேண்டும் நமக்காக அல்ல ! நாளைய நமது சந்ததிகளுக்காகவாவது நாம் மாறவேண்டும்.



 கொசு’’று.
மோடியாவது வந்து நமது வாழ்வாதாரத்தை மாற்றுவார் என்றுதான் எதிர்பார்த்து மக்கள் பெரும்பான்மையாக வாக்கரிசி SORRY வாக்கு அளித்தார்கள் என்னாச்சு ? அவர் பதவி ஏற்று இந்தியாவில் வாழ்ந்ததைவிட வெளிநாடுகளில்தான் அதிகமாக வாழ்ந்து கொண்டிருக்கின்றார் ஒருவேளை இதிலும் சாதனை செய்யத்திட்டமோ ? மானத்தை மறைக்க வழியில்லாத ஏழை மக்கள் வழி நெடுகிலும் வாழ்ந்து கொண்டிருக்க... இவர் போடும் ஒரு கோட்-ஸூட் விலை பதினான்கு லட்சங்கள் அவரும் சராசரி மோசடிப் பேர்வழி என்பதை நிரூபித்துக் கொன்று இருக்கின்றார். இனியும் காலம் மாறும் என்று நம்பிக்கொண்டு இருப்பது அறிவாற்றலா ? அறியாமையா ? பொறுமை கடலினும் பெரிது என்று சொன்னவர்களை கடலில் தூக்கிப் போடவேண்டும். ஒரு கன்னத்தில் அறைந்தால் மறு கன்னத்தையும் கொடுத்து எதிரியை சிந்திக்க வைக்க நாம் காந்திஜி அல்ல, ஒரு அறை வாங்கினால் இரு கன்னத்திலும் அறை விடுவோம் இனியெனும் நேதாஜியைப் போல் கலகம் பிறந்தாலே நியாயம் பிறக்கும் இல்லையேல் நீதி இறக்கும். வாக்களிப்பது ஜனநாயக கடமை என்று சொல்வோரே... தன் வாழ்நாளில் நீ ஒருமுறைகூட கடமை மீறியது இல்லையோ ? மக்களின் பிரதிநிதிகளிடம் நமது உரிமையை கேட்பது கூடத்தான் கடமை எங்கே ஒரு எம்மெல்யே வீட்டு வாசலின் கேட்டைக் கடந்து உள்ளே போய் விடு பார்ப்போம் ? திரைப்பட நடிகனும், அரசியல் கோமாளிகளும், கிரிக்கெட்காரர்களும் கோடிக்கணக்கில் சம்பளம் பெற நாட்டைக்காக்கும் இராணுவவீரனுக்கு சிறிய சம்பளம் இந்த அவலநிலை மாறவேண்டும்.


மாறவேண்டும் நாம் மாறவேண்டும் நமக்காக அல்ல ! நாளைய நமது சந்ததிகளுக்காகவாவது நாம் மாறவேண்டும். எல்லோரும் இந்நாட்டு மன்னரே அதில் நானும் ஒருவனே.

ஸ்வீட் எடு கொண்டாடு
காணொளி
அனுப்பி வைத்த நண்பர் திரு.வே.நடனசபாபதி அவர்களுக்கு நன்றி

புதன், ஏப்ரல் 11, 2018

தங்ககாசு வேண்டுமா ?

 அரேபியன்கூட புரிந்து கொண்டான்
நாம் உணர்வுள்ள இந்தியர்கள்
சுட்டதும், சுடுவதும்
உண்மையான பச்சைத் தமிழர்கள்
இவுகளும் பச்சையாம் சொல்றாக...
விஞ்ஞானி அரசியலுக்கு எதற்கு ?
யேன் வயிறு எரியுதுடா....
அபுதாபியில் நான் எடுத்தது
தொப்பியை கண்டு பிடித்தவன் வாழ்க
சகோதரிக்கு எமது இரங்கல்கள்
இதை நம்பி முகூர்த்தம் வச்சா விளங்கிடும்
உங்களை திருத்தவே முடியாதுடா...
திறமையை வாழ்த்துவோமே...
சில மனுசங்களை விட்டுறீங்களே...
மோடி மாதிரி 14 லட்சத்துக்கு உடை போடமாட்டேன்
மாங்கா மடையர்கள் இருக்கும்வரை...
இந்த பெற்றோரை என்ன செய்யலாம் ?
இனி நெட்லதான் வாங்கணும்
போனை கட் பண்ணுனு சொன்னதுக்கா ?
உடன் நூறு பேருக்கு அனுப்பினால்
வீட்டில் தங்ககாசு முளைக்கும்

திங்கள், ஏப்ரல் 09, 2018

One Day in Oman

2010 ஒமான் நாடு மஸ்கட் நகரம்.





 நண்பரது குடும்பம்



நானும், நண்பருடைய குடும்பத்தினரும் நண்பருடைய சகலை அங்கு குடும்பத்துடன் இருக்கிறார் அவர்களைக் காண்பதற்காக போனோம் U.A.E எல்லையில் நுழைவாயிலில் பாஸ்போர்ட்டில் விசா அடித்து காருக்கும் இன்சூரண்ஸ் அடித்துக்கொண்டு கிளம்பினோம்

பொதுவாக அரபு நாடுகளில் நாடு விட்டு நாடு விருந்தாளிடி போகும்போது போவோரின் நடைமுறை விசாவில் உள்ள பொச்ஷிசன் பார்ப்பார்கள் லேர்களுக்கு அனுமதி இல்லை காரணம் அவர்கள் போனால் அந்த நாட்டில் எங்காவது ஒளிந்து கொண்டு வேலை செய்து விடுவார்கள் என்ற அச்சம் எனது நண்பரோ கம்பெனி ஓனர், நான் அரசாங்கத்தில் வேலை செய்பவன் நாங்கள் இருவரும் அந்த வேலையை செய்ய வேண்டிய அவசியமற்றவர்கள் ஆகவே எங்களுக்கு அனுமதி உண்டு இதை ஏன் குறிப்பிடுகிறேன் என்றால் நிறைய பேருக்கு இந்த விபரம் தெரியாமல் எல்லையில் போய் திருப்பி விடப்படுகிறார்கள்

ஒருநாள் முழுவதும் ஊரைச்சுற்றினோம் பல இடங்களையும் பார்க்கும் பொழுது விளங்கியது நிறையத் தமிழ்த் திரைப்படங்கள் இங்குதான் ஸூட்டிங் நடந்திருக்கின்றது என்பது போகும் இடமெல்லாம் ஒமான் அரேபியர்கள் பலரும்  என்னை அதியசமாகப் பார்த்தார்கள் காரணம் மீசை மிகப்பெரிய மாலுக்குப் போனோம் அனைவருமே எந்த நாடென்று கேட்டார்கள் பலரும் என்னுடன் புகைப்படம் எடுத்துக்கொள்ள விரும்பி எடுக்க, என்னுடன் வந்த இரண்டு குடும்பத்தார்களும் சிரிக்க, எனக்கு சங்கடமாக போய் விட்டது நண்பர் வேறு நான் டோக்கன் கொடுக்கிறேன் தலைக்கு பத்து ரியால் என்று மேற்கொண்டு சூடேற்றி விட்டார் சுமார் ஐம்பது பேராவது புகைப்படங்கள் எடுத்திருப்பார்கள் U.A.Eயில் பலமுறை இந்த மாதிரி நடந்திருந்தாலும் அன்று ஏனோ கூடுதலாகப்பட்டது அந்நாட்டில் U.A.E போல் பில்டிங்குகள் உயரமாக இல்லை என்றாலும் ரசிக்கக்கூடிய பாறை மலைகள் அழகு, பீச் இடங்கள் அழகு, ‘’ஹரிதாஸ் கடை’’ இது மிகவும் பிரபலம் தெரியாதவர்கள் இருக்க முடியாது.

எல்லாம் முடிந்து இரவு 11.00 மணிக்கு U.A.E நோக்கி திரும்பினோம் காரை நான்தான் ஓட்டி வந்தேன் அவுட்டோரில் கேமராக்கள் இல்லாத இடங்களில்160 K.M வேகத்தில் முதல் ட்ராக்கில் ஓட்டி வந்தேன் வழி கொடு என்று சொல்லும் லைட்டை அடித்துக்கொண்டே விரட்டி வந்தேன் ஒரு இடத்தில் ஒருவன் வழி கொடுத்து விட்டு பின்னால் வந்து போட்டான் பாருங்கள் ஜிகினாலைட் வந்தவன் போலீஸ் சிஐடி (அவ்வ்வ்வ்வ்வ்)




 உள்ளே நுழைந்து மறுபுறம் செல்லும் படகு



 படகில் போகும்போது எடுத்தேன்








 நானும்,  மருமகள் பர்ஹானாவும்...






 யூ.ஏ.ஈ. மன்னர். ஷேக் கலீஃபாஹ் ஸாயித் பின் சுல்த்தான் அல் நஹ்யான்
 

 நானும். நண்பரும்...



 நண்பரின் சகலையும் நானும்...
 அரபு நாட்டில் இப்படியொரு கடையா ?










 யூ.ஏ.ஈ. எல்லையில்...

ஒரு ஓரமாய் நிறுத்தினேன் பின்னால் நிறுத்தி விட்டு வந்த அரபி உடையணிந்தவர்
நான் போலீஸ் சிஐடி
தனது ஐடியை என்னிடம் காண்பித்து விட்டு
லைசென்ஸ் எடு
கொடுத்தவுடன் வாங்கிப் பார்த்து விட்டு
ஏன்.. இப்படி லைட் போட்டு வர்றே ?
நாங்க எமராத் காரில் சகோதரியும், குழந்தைகளும், இருக்காங்க நாளைக்கு இந்தியா போகணும் அதனாலதான் வேகமாப் போறோம்,
என்னை மேலிருந்து கீழ் பார்த்து விட்டு காருக்குப்போய் பெண்ணும், குழந்தைகளும் இருப்பது, காரின் நம்பரைப் பிளேட்டைப் பார்த்து உண்மையென அறிந்து விட்டு...
சரி வேகமாப்போ தப்பில்லை இப்படி பக்கத்தில் வந்து லைட் போட்டால் என்னைக்கண்டு சரி இதே பெண்களாக இருந்தால் பயந்து போய் எதிலாவது மோதி இருப்பார்கள்
சாரி
அனைவரது பாஸ்போர்ட்டையும் செக் செய்தபின்
நீ வேறு நாட்டிலிருந்து வந்ததால் சும்மா விட்டேன் இல்லை என்றால் அபராதம் எழுதியிருப்பேன்
நன்றி சொல்லி விட்டு கிளம்பினோம். ஒருவேளை காரில் சகோதரியும், குழந்தைகளும், இல்லாமல் நானும், நண்பரும் மட்டுமிருந்தால் கண்டிப்பாக அபராதம் எழுதி தீட்டியிருப்பார் பிறகு நான் அலைந்து லைசென்ஸ் வாங்குவதற்குள் லைசென்ஸே வேண்டாம் என்ற நிலைக்கு ஆகிவிடுவேன் ஆனாலும் மறுவருடம் கார் ரினுவலுக்கு போகும்போது பிடிபடும் இல்லையெனில் நான் எத்தனை வருடம் கழித்து கேன்ஷலில் வந்தாலும் ஏர்ப்போட்டில் பிடிபட்டு வட்டியோடு அபராதம் கட்டப்படுவேன் காரணம் அனைத்தும் கணினி வழி, தவறு செய்தவன் தப்பிக்க 99 % வழியில்லை.



 நண்பருடைய ப்ளாட் இருந்த பில்டிங்

 சட்டென சாலையைக் கடந்த அரேபியக் கிறுக்கன்


 ஒமான் நாட்டின் மிகப்பெரிய பள்ளி வரும் வழியில்





 லூலூவில் மகளுக்கு நினைவாக கடிகாரம் வாங்கினேன்

 நண்பர் வேலை நிகழ்த்திக் கொண்டிருந்த பில்டிங்
கொசு’’று
ஒருவேளை அபராதம் கட்டப் பணம் இல்லையெனில் கைது செய்யப்பட்டு ஜெயிலில் வேலை கொடுத்து அபராதப் பணமும், டிக்கெட் பணமும் வரும்வரை உழைத்து அதன் பிறகு மீண்டும் அந்த நாட்டிற்கு விசா கிடைக்காதவாறு நமது பாஸ்போர்ட் விடயங்கள் குறிக்கப்பட்டு ஊருக்கு விடுதலைக் கைதியாக அனுப்பி வைக்கப்படும்.
Related Posts Plugin for WordPress, Blogger...